午餐•2020年3月9日

#午餐•2020年3月9日#
記錄第一次整牛腩🐂📝
由細受屋企人影響就好鍾意食牛🐂
出去食麵多數食牛筋腩麵🍜、咖喱牛腩🍛，食飯時不時都會嗌牛腩煲🍲。
但係喺屋企整牛肉嘅次數就真係好少，最多都係買啲牛扒🥩煎下，其他都未買過嚟整。
嗰日去買餸，就諗住買啲牛骨同牛腩（第一次唔識買，心諗點解啲牛腩一片片，唔係一條條咩？點知原來嗰啲係散腩...下次應該買牛坑腩🐂）整之前就不斷問啲前輩，又上網睇下啲大廚點處理🤔但係有好多唔同嘅處理方式，最後我都係自己摸索...點知整到出嚟好好味😋就係啲牛腩炆得未夠腍😑媽咪話佢同爹哋結婚咁耐，屋企都未試過整牛腩，依家竟然到佢哋個女嚟整🤣其實都唔係好多工～攞嚟撈飯撈麵真係「最高」

++++++++++++++++++++
牛腩                             ≈1斤
花椒八角香葉桂皮      適量
番茄                              2個
薯仔                              2個
冰糖                             適量
生抽                            1茶匙
鹽                                 適量

2020-03-09